ESTUDANTE MÉDIKU ABEL FILOMENO DEZAFIA ASUNSAUN KONABÁ FOINSA’E HO DEFISIENSIA.

(Tetum Version)

Foinsa’e barak iha Timor-Leste difisil atu hetan serbisu, maibé ema sira ho defisiensia hasoru obstaklu adisionál atu hetan formasaun no empregu tamba deit fiar negativu konabá sira-nia abilidade.

Hanesan joven ida Abel Filomeno hosi Bobonaro, iha paixaun atu aprende konabá siensia médiku. Hetan influensia hosi nia aman, ne’ebé uluk serbisu hanesan médiku profissional ida, ninia entuziasmu forte liu tan wainhira Abel diagnosa sofre kankru ruin no hala’o operasaun hodi hasai ninia ain loos iha tinan 2017.

Entaun ida ne’e laos surpreza ida wanhira Abel kompleta ninia estudu iha ensinu sekundáriu ho klasifikasaun primeiru iha ninia klase, nia mestre sira no familia enkoraja nia atu aplika ba estuda farmásia iha universidade. Maibé wainhira nia aplika ba iha universidade nasionál ninia aplikasaun hetan rejeita hosi departamentu médiku tamba ninia kondisaun fíziku.

Tamba hakarak tebes atu estuda no atu dezafia desizaun refere Abel hakbesik an ba Asosiasaun Defisiensia Timor-Leste (ADTL) hodi husu apoiu no xefe departamentu médiku iha universidade.

Hafoin kombinasaun entre Abel nia persistensia no advokasia hosi membru ADTL sira, inklui organiza petisaun ida ba nia an rasik, xefe departamentu médiku simu nia aplikasaun.

Fofoun nia kolega estudante sira dúvida ho ninia abilidade no iha semestre dahuluk nia lori tempu atu adapta an ho ambiente universidade nian. Maibé nia kolega sira iha klase laran ikus mai rekoñese ninia koñesementu no matenek no iha semestre daruak sira sempre husu nia hanoin no ajudu ba sira-nia traballu eskola nian.

Abel fiar katak iha diploma médiku sei hasa’e ninia fiar-an no sei tulun nia atu hetan servisu hanesan ofisial saúde ida no bele hetan rendimentu ida ne’ebé estável atu suporta nia familia wainhira fila ba Bobonaro.

No ba sira ne’ebé dúvida ho nia no ema seluk ho defisiensia nia hakarak hatete,

“Fizikamente ami bele iha defisiensia, maibé ami-nia kakutak brillante mós hanesan ema seluk nian”.

———————–

(English Version)

Many young people in Timor-Leste can find it hard to get a job, but people with disabilities face additional obstacles gaining training and employment because of negative beliefs about their abilities.

As a young man Abel Filomeno from Bobonaro, had a passion to learn about medical sciences. Influenced by his father, who worked as a medical professional, his enthusiasm was further strengthened when Abel was diagnosed with bone cancer and underwent surgery to remove his right leg in 2017.

So, it was not surprising that when Abel completed high school at the top of his class, his teachers and family encouraged him to apply to study medical pharmacy at university. But when he applied to the national university his application was rejected by the medical department on the grounds of his physical condition.

Determined to study and to challenge the decision Abel approached the Timor-Leste Disability Association (ADTL) for support and the head of medical department at the university.

After a combination of Abel’s persistence and advocacy from ADTL members, including organising a petition on his behalf, the head of medical department accepted his application.

At first his fellow students doubted his ability and in his first semester he took time to adjust to the university environment. But his classmates soon recognised his knowledge and intelligence and in his second semester they often asked his advice and help with their work.

Abel believes having a medical degree will boost his self-confidence and will help him to get a job as a health official and able to gain stable income to support his family back in Bobonaro.

And to those who doubted him and other people with a disability he is keen to point out,

“Physically we may have a disability, but our brain can be as bright as anyone else’s.”

Skip to content