PROGRAMA ESPESIAL TV NASIONAL “DALAN BA HETAN EMPREGU” EXPLORA BA DEZAFIU NO OPORTUNIDADE BA FOINSAE SIRA

PROGRAMA ESPESIAL TV NASIONAL “DALAN BA HETAN EMPREGU” EXPLORA BA DEZAFIU NO OPORTUNIDADE BA FOINSAE SIRA

Atu selebra Loron Nasional Joventude, Radio no Televizaun Timor-Leste (RTTL) sei halo emisaun programa espesial Dalan ba Hetan Empregu ba joventude iha loron Sesta 12 Novembru, tuku 8.00 kalan

Programa televizivu espesial ida ne’e inisia husi Sekretaria Estado ba Formasaun Profisional no Empregu (SEFOPE sigla Portuguese) no Workforce Development Program Timor-Leste (WDPTL sigla Portuguese), oferese plata forma ida atu fo lian no idea sira hodi foka dalan empregu ba ema foinsae Timor-Leste.

Iha Talkshow ne’e sei aprezenta reprezentante husi Konselu Foinsae , parlamentu foinsae no empresariu foinsae fasilita husi UNDP no sentru inovasaun , empresariu café nain nebe susesu ona no representante SEFOPE nia direitur Nasional ba Empregu External. , Diskusaun ne’e sei emfaze liu asuntu no solusaun sira atu suporta jerasaun foinsae sira atu buka servisu.

Emprezariu café nain no membru painel talkshow senhor Mariano da Costa Alves, ‘Ameta’, sei fahe oinsa nia sai emprezariu no dezafiu sira nia infrenta asegura ninia investimentu ,

“ Premeiru ha’u servisu iha loja Kafe Letefoho coffee nudar barista durante tinan 4 , aprende oinsa halo café ida ho kualidade diak ba merkadu Internasional …. Ha’u iha mehi ida atu loke ha’u nia loja café rasik ” dehan Ameta. Maibe ida ne’e la akuntese too ha’u hetan oportunidade servisu iha Australia liuhusi programa Seasonal worker, nune’e nia bele rai nia osan ba buat nebe nia presiza atu investe ninia loja rasik kuda no exporta café ba merkadu internasional sira .

Presidente Alumi Parlamentu Foinsae Sr, Zaulino da Silva, sei explora importansia edukasaun vokasional apoiu ema foinsae sira atu servisu. . Iha parte seluk reprezentante UNDP senhor Francelino Guterres sei foka ba apoiu treinamentu nebe disponivel ba ema foinsae sira atu buka servisu ka harii rasik sira nia negosiu Nia emfaze katak “Knua Juventude Fila Liman (UNDP nia sentru ba empresariu foinsae no inovasaun ) maka sentru ba foinsae nebe bele rona lian ema foinsae nian no fo oportundiade ba sira atu asesu ba informasaun empregu nian .”

Senhora Maria Dadi Magno, Presidente Conselho Joventude Timor-Leste (CNJTL) , nia sei foka papel CNJTL aprezenta foinsae sira nia hanoin ba governu Timor-Leste no ema halo desizaun sira.

Direitur Nasional Empregu externa husi SEFOPE , Sr. Filomeno Soares sei koalia konaba governu nia esttratejia atu apoiu ema foinsae buka servisu.

Atu rona diskusaun klean , keta haluha haree talkshow espesial iha loron Nasional ba joventude iha loron Sesta kalan tuku 8;00 – 9.30 (12 Novembru 2021) depois notisias kalan. .

Atu fahe ita boot sira nia openiaun kona-ba importansia atu investe iha empregu ba foinsae sira no atu buka detalla kona-ba kampanha Dalan ba Hetan Empregu, favour vizita webpage:

Dalan ba Hetan Empregu (DBHE)

Follow us on Twitter: @WorkForceDevTL #DBHE #SDG8

Skip to content