Adaptasaun Iterativa Bazeia ba Problema, Bele Ajuda Resolve Timor – Leste Nia Problema Dezempregu

(Tetum Version)

Iha Timor-Leste taxa dezempregu ne’ebé aas, liu-liu entre joven sira, sai hanesan dezafiu signifikante ida ne’ebé sei presiza governu nia aproximasaun tomak hodi rezolve.

Ho ema ida entre ema nain tolu ne’ebé buka servisu iha Timor-Leste labele hetan servisu, rezolve dezafiu dezempregu nasaun nian sei sai nafatin problema ida ne’ebé fó presaun. Entaun oinsá governu identifika abut hosi kauza sira ba problema dezempregu nian, foti desizaun sira ne’ebé loos konabá oinsá atu hamenus ida ne’e, no asegura katak desizaun sira ne’ebé foti bele no sei implementa?

Uza aproximasaun Adaptasaun Iterativa Bazeia ba Problema (PDIA, sigla Inglés) bele sai resposta ba pergunta ne’e. Dezenvolve hosi Harvard University, PDIA ne’e dezeña atu fahe ka kategoriza problema kompleksu sira no asegura kolaborasaun ho entidade hotu-hotu ne’ebé involve hodi rezolve problema ne’e uza rekursu sira ne’ebé iha.

Iha fulan kotuk liuhosi Sekretariadu Estratejia Empregu Nasionál (SENE) serbisu hamutuk ho Workforce Development Program Timor-Leste (WDPTL) desidi ona atu koko métodu PDIA ne’e iha SEFOPE nia laran hodi identifika problema sira ne’ebé afeta Timor-Leste nia taxa dezempregu no atu konkorda asaun sira ne’ebé atu foti.

Hafoin simu formasaun konabá métodu PDIA iha workshop ne’ebé partisipa hosi funsionariu sira SEFOPE nian, partisipante sira uza aproximasaun refere hodi identifika no konkorda problema rua iha parte demanda no oferta nian hosi merkadu traballu ho tópiku Tanba sá foinsa’e sira la hetan servisu ne’ebé sufisiente iha setór agrikultura?

Hosi parte demanda nian, problema rua ne’ebé identifika mak hanesan setór privadu laiha inisiativa ida ka kapital ne’ebé disponivel atu investe iha setór agrikultura, no setór públiku ka governu seidauk investe iha setór agrikultura. No hosi parte oferta nian, problema sira ne’ebé identifika mak hanesan formador(a) sira laiha abilidade sira ne’ebé avansadu iha agrikultura, no menus ekipamentu agrikultura iha sentru formasaun sira atu treina graduadu sira hodi investe iha indústria agrikultura.

Liuhosi prosesu ida ne’e, ekipa SEFOPE no hau mai ho apresiasaun ida oinsá PDIA bele tulun kore Timor-Leste nia problema dezempregu, atu komprende asaun saida mak bele foti tuir SENE/SEFOPE nia kapasidade no autoridade, no klaru konabá iha ne’ebé ita bele hetan aprovasaun hosi instituisaun relevante sira iha liña ministeriu sira, setór privadu, no parseiru sira atu redús problema dezempregu iha Timor-Leste.

Laos deit aproximasaun PDIA ne’e utíl tebes atu identifika problema sira, buka hatene tanba sá problema sira ne’e mosu, oinsá atu rezolve, no rekursu sira ne’ebé presiza atu rezolve problema sira ne’e. Aproximasaun ne’e mós hanesan meiu ka dalan efetivu ida atu kolabora ho kolega no parseiru sira seluk hodi tulun identifka problema no hetan sira-nia apoiu ka investimentu iha mudansa sira ne’ebé posivel atu implementa.

Maske PDIA ne’e esperiensia foun ida ba Timor-Leste maibé nia benefisiu sira klaru. Hau no hau-nia ekipa kontenti ho ninia potensia no iha intensaun atu habelar uzu hosi aproximasaun PDIA ne’e iha sekretariadu nia laran, SEFOPE, no ba liña ministériu sira liuhosi formasaun espesífiku atu komprende diak liu tan métodu ne’e no oinsá sira bele aplika métodu refere hodi komprende no rezolve problema kompleksu sira.

——————

(English Version)

In Timor-Leste high unemployment rates, especially amongst young people, is a significant challenge that will take a whole of government approach to resolve.

With one in three young people looking for work in Timor-Leste unable to find a job, resolving the country’s unemployment challenge remains a pressing issue. So how can government identify the root causes of the unemployment problem, make the right decisions about how to reduced it, and ensure that the decisions made can and will be implemented?

Using a Problem Driven Iterative Adaptation (PDIA) approach could be the answer. Developed by Harvard University, PDIA is designed to break down complex problems and ensure collaboration with all entities involved to resolve the problem, using available resources.

Last month SEFOPE through the Secretariat of National Employment Strategy (SENE) in collaboration with Workforce Development Program Timor-Leste (WDPTL) decided to trial the PDIA method within SEFOPE to identify the problems that affect Timor-Leste’s unemployment rate and to agree actions.

After receiving training on the PDIA method at a workshop attended by SEFOPE staff, workshop participants used the approach to identify and agree two problems on the demand and supply sides of the labour market with TOPIC Why are youths not getting enough jobs in agriculture? .

On the demand side the two problems identified were that the private sector does not have an initiative or available capital to invest in agriculture, and the public sector or the government has not yet invested in agriculture. And, on the supply side the problems were that trainers do not have advanced skills in agriculture, and there is a lack of agriculture equipment in training centres to train graduates to invest in the agriculture industry.

Through the process the SEFOPE team and I came to an appreciation of how the PDIA can help unpack Timor-Leste’s employment issues, to understand what actions can be taken in accordance with SENE/SEFOPE’s capacity and authority, and to be clear where we need to get approval from relevant institutions in the line ministries, private sector, and partners to reduce unemployment issues in Timor-Leste.

Not only is the PDIA approach extremely useful in identifying problems, finding out why they happen, how to sort them out, and the resources required to solve them. It is also an effective way to collaborate with other colleagues and partners to help with problem identification and get their buy-in for changes that are possible to implement.

Whilst PDIA is a new experience for Timor-Leste, its benefits are clear. My team and I are excited by its potential and intend to expand the use of the PDIA approach within the secretariat, SEFOPE, and to the line ministries by specific training for people to better understand the method and how they can apply it to understand and resolve complex problems.

Skip to content