English Version Below:

Governu Timor-Leste daualuk iha planu atu kria servisu foun 60,000 kada tinan no Planu Rekoperasaun Ekonómiku nia objetivu mak atu kria servisu sira ne’ebé dignu, maibé dezempregu sei nafatin aumenta, no COVID-19 kauza ona ema barak lakon sira-nia servisu.

Iha estimasaun atuál persentajen dezempregu 11.9% maibé entre foinsa’e sira ida ne’e aas liu. Rezultadu peskiza hosi UNDP deskobre katak 21.1% hosi ema idade 25-29 laiha servisu (UNDP Marsu 2021) no Universidade Monash halo estimasaun katak persentajen dezempregu ba joven sira enjerál 30% no ema ida hosi ema nain tolu ne’ebé buka servisu la hetan servisu.

Númeru Joven sira atinji 70% hosi total populasaun ne’ebé iha, no kada tinan barak mak atinji idade servisu nian. Númeru joven ne’ebé aumenta bebeik ne’e ejiji atensaun husi lejisladór (ema sira ne’ebé kria polítika) no lider sira. Foinsa’e sira ne’e rasik merese ba futuru ida ne’ebé inklui servisu dignu no salariu mínimu.

Buka solusaun ba problema ida ne’e hanesan dezafiu polítika sosiál no ekonómiku ida ne’ebé kompleksu no urjenti. Ida ne’e presiza Timor-Leste nia hanoin ne’ebé diak liu atu dezenvolve solusaun sira, foinsa’e sira atu uza sira-nia lian, no sira ne’ebé iha poder atu serbisu hamutuk hodi foti asaun konkretu atu kria servisu.

Ho eleisaun nasional sira iha fulan Maiu tinan 2022 no 2023, no inisiativa governu foun ida ne’ebé provoka joven sira-nia hanoin www.youthconversationstl.com iha janela oportunidade úniku ida atu halibur malu, deskuti solusaun sira no tulun halo kriasaun servisu no formasaun ba foinsa’e sira sai prioridade nasional ida.

Ita hanesan grupu organizasaun ida, individual, funsionáriu públiku, no formador opiniaun sira ne’ebé buka atu halo de’it ida ne’e – mai hamutuk ho ami no tulun alkansa foku públiku no polítika nasionál kona-bá dezempregu ba foinsa’e sira hodi hein eleisaun nasional sira Timor-Leste nian iha tinan 2022 no 2023.